KONKANI

ROMI RITIM – GRONTH: AXIRVAD
KONKNNI:2003

EKUNNCHALLISAVO OVESVOR
BENTINACHER (SCAPULAR ) AXIRVAD
ANI TEM GHALCHI MANDDAVOLL

PROSTAVON:
--
1208. The blessing and conferral of a scapular should, if at all possible, be carried out in a communal celebration. Whenever the conferral is a way of receiving members of the faithful into a confraternity of a religious order or institute, this reception must be carried out by member of that institute or else by a minister deputed by the competent authority of the institute.

1209. On the occasion of the blessing and conferral, the scapular itself, of prescribed design and material, must be used; afterwards a blessed medal may replace the scapular.

121
0. Whenever a person joins a confraternity in order to share spiritually in the life of a religious institute, the particular norms established by each institute must be respected and followed exactly.



AXIRVADACHIMANDDAVOLL

SURVECHEO RITI.

1211. Lok vo bondbuvorgache tori sandhe zomtoch soega
pormannem hea somarombhak lagta toslem git gaitat tednam muniari proves korta. Git somptoch munian mhonnta:
Bapache ani Putache ani Povitr Atmeache nanvim
Sogllim apnnancher khursachi kuru kaddtat ani zobab ditat; Amen.

1212. Uprant muniari hajir asloleank noman korta mhonnun:
Sorv borem tem Deva Bapa thaun, Ankvarik zolmol’1ea tachea Puta udexim ieta. Tachi kurpa ani xanti tumche sovem asum.
Vo dusrim iukt utram odik korun Povitr Pustokantlim kaddlolim.

Sogllim zobab ditat:

Tumche-I sovem asum.
Vo dusro iukt zobab.

1213. Uprant muniari hi rit somarombhunk hajir asloleank heam
vo osleam utramrnim toiar korta

Dev Amche thaim apli vorti kaklut dakhouncheak lhan ani sadheo khunnam vaporta. Tech porim monis sadhea khunnamnim aplem upkari mon Devak ugoddta ani tachi sevakorchi khuxi, ani apnnem povitr snanant kel ‘lea somrponnak jivit bhor visvaxi ravunk kel’lo nichev, porgott korta.
Hem bentin Povitr Sobhen manietai dil’1e N...dhorimik sonvsthechea bondhuvorgant proves kela tachi khunna.  Hem bentin tech dhormik sobhechea mona pormannem jieuchi kherit khuxi dakhoita. Ankvar Marieche mozotin povitr-snanant Kristak nhescho nichev kel’lo hi khunna novsorta; lognachi nhcsonn ghalun, sorginchea
 maidesant ami pavo-sor, Povitr Tritvechea manak Krista sarkim ami zal’lim tika zai.

DEVACREA UTRACHEM VACHOP:

1214.
Uprant vachpi vo hajir asloleantlo, konnui vo muniarich Povitr Pustokantlean vachop vachta.  Hem vachop, chodd korun vachpa-gronthantlem, bhov Povitr Tritvek, Somiachea Guttak vo Bhagevont Ankvar Mariek sombond aslolem vinchun kaddum iet. Tea-tea dhormik sonvsthechea monobhovak sori zaun tanchea bondhuvorgak lagu zata toslench vo dusrem vachop vinchun kaddum ieta.

1215.  Vo:
2
Kor 4, 13 — 5,10: “Amchi nhesonn kaddun uddoileli amkam naka punn amcher odik nhesonn ghatleli amkam zai.”

Bhagevont Paulun Koriritkarank boroilolê Dusrê Chittivelem Vachop

Bhavam-bhoinnimno:
            “Hanvem sotman’lem dekhun, hanv uloilom,” oxem boroilolem asa tea pormannem, bhavartachem mon asun ami sotman’tanv dekhun, ami uloitaiv. Ani Zannem Somia Jezuk punorjivont ke1a, Toch amkam i Jezu borabor punojivont kortolo ani amkam tumchê borabor Tachê sorxim vhortolo mhonn ami zannanv.

 Hem sogllem tumchea boreak; he porim kurpa vaddon veta titli, Devachê  mhoimek odik ani odik loka modem dhin’vasnni vaddom.
            Hea pasot ami kednanch ang kaddinanv. Zôr-ui bhailean amchem jivit bigddun veta, tori bhitorlean tem disan’dis novsoron veta.  Kiteak heô amcheo lhan ani thoddea kallacheo khonti-dukhi tanché lagim koslich sor korunk zainaslole sasnnache ut’tôm’ mhoimek amkam toiar kortat. Mhonntôch dolleank dixtti poddta tosleam vostuncher ami amchem dhean-mon lainany, punn dixtti poddonant tosleam vostuncher; dixtti poddtat teo vostu thoddoch vell urtat, punn dixtti poddonant teo sasnnak togtat.
            Amchem sonvsarantlem biradd, mhonngê amche kuddicho tombu, moddon gelo zalear, Deva koddlem ghor, mon’ xachea hatan bandunk naslolem sasnnachem ghor, amkam sorgar asa mhonn ami zannanv. Kiteak sorginchea ghorachi got, amche atanchê goti velean gheunk ami pirgun otrektanv; osli got nestoch, ami vingllim mellchimnanv. Kiteak anichi nesonn kaddun uddoileli amkam naka punn amcher odik nesonn ghaleli amkam zai dekhun, ami he kuddichca tombunt astana, bharan cheptanv ani pirngotanv; oxem jem kitem mornnadik asa tacho jivit nas kortelem. Heach hetuk Devan amkam toiar keleant ani Tannench hacho ixaro koso amkam Atmo dila.
            Mhonntôch, kuddint aso-sor Somia sorxile ami pois asanv mhonn ami zannanv, tori amkam kalljidarponn asa, kiteak ami dolleamnim polleun nhoi punn bhavartan choltanv. Ami visvasan bhorleanv; ani khorench mhollear, kuddintle bhair sorun, Somiachea ghora raunk amkam odik borem dista Ami kuddint jieum vo kuddi bhair jieum, Taka man’tanv toslim zaunk ami sodtanv. Aple kuddint astanam jem kitem vaitt-borem kelam tea pormannem mozuri
gheuncheak, zonneklean Kristachê niai-sobhê mukhar ubem raunchem poddtelem.

1216. Uprant muniari provochon korun hajir asloleank vachpachi somzonni dita.

PRARTHONAM:

1217. Uprant somudaik prarthonam kortat Muniarean sokol dil ‘leantlim odik iukt tim magnnim vinchun
kaddum ietat vo poristhiti pormannern khoinchim-i dusrim mhonnum ieta.

Devacho
Put Povitr Atmeache sokten mon’xa soimb ghetanam tannem taka Marie udorim vinaxi kuddin nhesoilo ani to amcho malgoddo bhav zaunk pavlo. Tache kurpent ami vantteli zauncheak ani Devachea onodak ami jieuncheak tiche vinounechea adaran Bapa lagim ami magum-ia.


Zohab: Deva, Kristak nhesunk amkam favo kor.

Krista thaim mon’xamnim tujea jivitant bhagidar zauncheak, tujea mogachea Putan mon’xa soimb gheunk tuvem nirmileim;
- amka  sodanch tujim bhurgim mhonnuk ani bhurgim koxim jieunk favo kor: Z/-

Patok mat soddun ier
soglleant Kristak amche sarko zaunk ani oxem tacho pattlav korun ami-i tache sarkim zaunk tuji khuxi zali,
- Kristacho pattlav korun sorvant ami tuka mano-xim kor.  Z/-
Tunvem tukach mon’xank gddapo korche khatir tannim tujea rajeachem lognachem nhesonn ghalun kurpe-jevnnak ieunk tum apoitai;
- ami visvaxiponnim tuji seva-chakri korunk amkam xikoi.  Z/-

Ami sonvsarant Kristacho suadik pormoll zaunk zai mhonn dhormduta Paulu udexim tum amkam xikoitai;
- Bhavam-bhoinnim modcm hajir aslolea Kristak vollkhunk amkam favo kor. Z/-
Povitr Atmea vorvim tuje katir jieun Povitr Sobhechi povitrtai ami dakholl korcheak, amkam nitichea ani povitrponnachea nhennan nettoitai;
- amchea bhavam-bhoinninche soddvonne khatir udar monan ami vavrunk amkam Krista vorvim disandis povitr kor. Z/-
Krist ietanam logna nhesonn ghalun ami taka bhettcheak, Krista udexim dor ek atmik axirvad turn amcher sodanch otoitar
- Ankvar Marieche mozotin mornna thaun jivitak utthunk amkam favo kor. Z/-

AXIRVADACHEM
MAGNNEM:

1218. Uprant muniari hat vistrun mhonnta:

Deva, tum povitrtaiecho oromb ani xevott udka ani Povitr Atmea vorvim novean zolmol’leank
Kristi jinneche bhortek ani mogache sopumnaiek turn apoitai:
Povitr Tritvechea onoda khatir
(Kristachea koxtta-momnachea manak)
(Bhagevont Ankvar Mariechea manak)

hem bentin bhoktin ghetoleam tujeam sevokancher doien dixtt ghal,
oxern
tim tujea Puta Krista sarkim zauncheak
ani he  jinnechi vat cholun xevottak pavtoch
Deva Matechea, Ankvariche sasaien,
tujea ghorant bhitor sorunk tankam favo kor

Krista amchea Somia vorvim.
Z/-  Amen.

 BENTIN GHALOP:

1219. Uprant muniari sokol dil’lim vo dusrim dhormik sonvsthechea axirvadache manddavollintlim utram vaprun, urnedvarak bentin ghalta:

a) Povitr Tritvechea vo Jezu Krischea guttachea manak:

Hem benthin ghe (hi nhesonn ghe),
Tache vorvim bhov povitr Tritvek,
(vo dekhik: Jezu Kristachea koxttam-mornnak) somorpun dil’lea
N..
. dhormik bondhuvorgant tum bhitor sortai.
Tor Povitr Tritvechea onoda khatir
Povitr Sobhechea ani mon’xanchea boreponna khatir
aplea rogtan amchi soddvonn kelolea Kristak
Devmatechea adaran disan’dis nhesunk proitn kor
Z/-    Amen.

b) Bhagevont Ankvar Mariechea manak:

Hem bentin ghe (hi nhesonn ghe),
tache vorvim bhagevont Ankvar Mariek somorpun dil’lea
N.., dhormik bondhuvorgant tum bhitor sortai.
Tor Povitr Tritvechea onoda khatir
ani Povitr Sobhechea ani mon’xanchea boreponna khatir
Devmatechea adaran Kristak nhesunk
ani tuje thaim to jieta mhonn dakhounk proitn kor.
Z/-    Amen.

1220. Soega pormannem, bentin ghalpachem
magnnem muniari somestam khatir
vhoddlean ekuch pavtt mhonnta:

Sogllim borabor zobab ditat:

Amen,ani bentin gheuncheak muniarea xim vetat.

1221.Uprant noveam bondhunk fuddo korun mhonnta:

Kristachi ani tache Povitr Sobhcchi seva
dhormik sonvsthechea monobhovan chodd zotnaien korcheak
N... dhormik bondhuvorgant tumkam ghetleant
Hem karn’ tumim odik sopurnnaien korcheak,
mhaka dil’le podven, hanv tumkam,
teach dhormik kuttumbachea
sorv atmik boreponnant vantteli kortam....

1222. Bondhuvorgachim kamam ani kaide sangun zatoch. muniari kainch
mhonnonastanam somestancher povitr udkacho xiloddo marta.

RITICHI SOMPNNI

1223 .Muniari rit sompoita mhonnun:

Sorvpodvedar Dev aplea doiallponnan tumcher axirvad ghalum,
ani taronnak pavoita te zannvaiechea monobhovan tumkam bhorum.
Z/-       Amem

Bhavarthache xikounnen to tumkam sodam posum,
ani boreo kornneo korcheak tumi xevott porian thir ravo-xe korum.
Z/-       Amen.

Tumchim panvlam to apnna vatten oddun vhorum,
ani xantichi ani pritmogachi vatt tumkam dakhoum.
Z/-       .Amea.

Sorvpodvedar Dev, Bap ani Put+ ani Povitr Atmo tumcher axirvad ghalurn.
Z/-       Amen.

Vo bentinak
sombond aslolea dusrea khoinchea-i axirvadachem vidhan.

1224 Jukt git gavun hi rit sompoilear borem.


No comments:

Post a Comment